ලෝකය තුල පවතින අනෙකුත් සංකල්ප මෙන්ම සංවර්ධනය යන්නද සාපේක්ෂය. සාමාන්ය පුරවැසියා සංවර්ධනය යන්නෙන් අදහස් කරන්නේ තමන්ගේ ඇත මිට සරු වී හොඳින් ජීවත්වීමට හැකි වට පිටාවක් ගොඩ නැගීමය. රජය සංවර්ධනය ඔවුන්ගේ එදා වේල පිරිමසාගෙන ආණ්ඩු පවත්වා ගෙනයාමට උපයෝගී කරගනී. ප්රාදේශීය දේශපාලකයන්ට එය පාලම, බෝක්කු හැදීම , පාරට තාර දැමීම වැනි අතිශය සරල කාරනාවකි.
සැබෑ සංවර්ධනය යනු මිනිසා ආර්ථික, දේශපාලනික, සමාජීය හා අධ්යාත්මික යන සෑම අංශයකින්ම ලබා ගන්නා දියුණුව බව බහුතරයකගේ මතය වී තිබේ ( එනිසා එය සංවර්ධනය සඳහා වූ අපගේ අර්ථ දැක්වීම ලෙස යොදා ගන්නෙමු ) . වර්තමාන සමාජය මේ කිසිදු ක්ෂේත්රයකින් දියුණු වීම වෙනුවට අත්කරගෙන ඇත්තේ පිරිහිමක්ම පමණක් බව ඇස් කන් ඇති ඕනෑම අයෙකුට පෙනෙන්නට තිබෙන සත්යයි. බුදු දහමට අනුව ඕනෑම දෙයක් සිදු වීමට යම් හේතුවක් තිබිය යුතුය. එසේ නම් මෙම පිරිහීමට වගකිව යුත්තේ කවුද?
සමාජයක් ලෙස අප සියලු දෙනා මෙම තත්වයේ වගකීම භාර ගත යුතුය. අප එසේ භාරගත්තද නොගත්තද එයින් ඇති පලක් නැත. දැන් කල යුත්තේ මෙම තත්වයෙන් ගොඩ එම සඳහා ක්රම වේදයක් සැකසීමය. එම ක්රම වේදය රජයෙන් හෝ ආයතන ප්රධානියාගෙන් හෝ වෙනයම් නායකයෙක් තුලින් පැන නගින තුරු බලා සිටි කාලය දැන් නිම කල යුතුය. මේ සඳහා අප අප තුලින්ම ක්රම වේදයක් සොයා ගත යුතුය.
අප මේ සඳහා කල යුතුව තිබෙන්නේ ඉතා සුළු කැප කිරීමක් පමණක් යයි මට සිතේ. එනම් අප සැමවිටම
- රට ගැන සිතා තමන් කරන කාර්යය හැකිතාක් හොඳින් කාර්යක්ෂම ලෙස ඉටු කිරීමට පියවර ගත යුතුය ( උත්සාහ කිරීම පමණක් ප්රමාණවත් නොවේ. )
- තත්පරයක් හෝ නිකරුනේ කාලය අපතේ හැරීම නොකළ යුතුය.
- අනුන් කරන කියන දෙයින් තමාගේ යහපත් ක්රියා වලට බාධාවක් ඇති නොකර ගත යුතුය.
මෙම සරල උපක්රම කීපය අද සිට හෝ අපට අනුගමනය කල හැකි නම් අපට නොදැනුවත්වම අපේ රට සංවර්ධනය කර ගෙන යාමට හැකි වනු ඇත.
No comments:
Post a Comment